الذبحة الصدرية
Sep-08- 2023الذبحه الصدريه !!!!
القلب عضو زي اي عضو في الجسم ، محتاج يوصل ليه دم عشان يقدر يشتغل بالكفاءه المطلوبه ويؤادي دوره علي اكمل وجه .
وزي اي عضو في الجسم بيوصل ليه الدم عن طريق الشرايين ، القلب كمان ليه الشرايين اللي بتغذيه ، الشرايين دي اسمها الشرايين التاجيه ( coronary artries ) .
وكلمه التاجيه هنا جايه عشان شكلها وتوزيعتها عامل زي التاج اللي فوق القلب واللي بيمتدد حواليه عشان يقدر يغذيه باكبر كميه دم ممكنه .
وجود مشكله في الشرايين المغذيه للقلب بيسمي (قصور في الشرابين التاجيه) واللي لو استمرت لفتره دون علاج هتسبب الذبحه الصدريه!!
### طيب يعني ايه زبحه صدريه ؟؟!!!
يعني الدم اللي واصل للقلب اقل من اللي القلب محتاجه
وهنا بيبدا القلب يشتكي قله الدم اللي واصله ليه في صوره وجع شديد في منتصف الصدر بيمتدد للجزا الايسر من الصدر والزارع اليسري كمان .
الالم ده علي اد ما هو شديد جدا جدا ، علي اد ما هو نعمه من ربنا عشان ينبه المريض بوجود مشكله في قلبه.
###طيب هو كل وجع في الصدر بيكون وجع من القلب؟!
لا طبعا
تشخيص وجع القلب الناتج عن نقص الامداد الدموي للقلب (الذبحه الصدريه) محتاج طبيب متخصص ، ومجرد اننا فعلا شخصنا الذبحه الصدريه وقتها بيكون في تدخل عاجل من طبيب القلب سوا بالعلاج الدوائي او العلاج التداخلي(القسطره القلبيه) .
بس ده ما يمنعش اننا ممكن نوضح بعض النقاط اللي علي اسسها كاطباء قلب بناخذ بيها لوصف الذبحه الصدريه ;
* في الغالب الوجع الناتج عن الذبحه الصدريه بيكون نتيجه مجهود . يعني المريض بذل مجهود نتج عنه زياده في عمل القلب(في ظل ضعف الشرايين التاجيه) سبب ليه وجع في الصدر ، واللي بياكد كده اكتر هو احساس المريض بالراحه من الوجع ده لما يببدا يوقف المجهود ، لانه بالشكل ده بيريح القلب وبالتالي الوجع بيقل .
* واحده كمان من اهم العوامل اللي بننظر ليها كاطباء قلب هو التاريخ المرضي للشخص ، زي امراض الضغط اوالسكري وغيرها من الامراض اللي بتساعد علي حدوث ضرر في الشرايين التاجيه المغذيه للقلب .
* كمان العادات الشخصيه للمريض بتفرق في التشخيص ، واللي في منها كتير بيرجح ان الوجع اللي في منتصف الصدر ده هو ذبحه صدريه ; اشهر العادات دي هي التدخين بكل اشكاله او تعاطي المخدرات او عدم انتظام المريض علي علاج امراض اخري زي السكري .
###طيب ايه التصرف الصحيح في الوقت الي نشك فيها بوجع في القلب ؟!!
استشاره الطبيب المتخصص في مجال القلب هي الحل الوحيد والامثل !!
بمعني ان في الوقت اللي بنشك فيه ان وجع الصدر ده من القلب لازم نتوجه لاقرب طبيب قلب، لان وقتها الفرصه بتكون مناسبه للطبيب للتعامل الصحيح مع المشكله ، وهنا بتكلم علي عامل الوقت ، واللي بيفرق كتير اوووي لمرضي الذبحات الصدريه الي اغلبه بيتاخر عن العلاج المناسب ليه عن طريق استشاره الصيدلي او الاقارب او الانترنت زي ما بنشوف اغلب الناس بتتعامل الفتره دي للاسف .
(((الوقت هو واحد من اهم العوامل اللي بتحدد مدي نجاح تدخل طبيب القلب في علاج الذبحه الصدريه )))
كمان عاوز ااكد علي انه السبب الاول للوفاه علي مستوي العالم هو امراض القلب ، واللي بفضل ربنا والعلم اصبح علاجها افضل بكتير، وده اللي ساعد علي زياده معدل اعمار البشر في الفتره الاخيره .
كمان بناكد ان ممارسه الرياضه بصوره دائمه (ولو لفتره قليله يوميا) ليها دور كبير في الوقايه من امراض القلب
